【金公館】將軍澳中菜館介紹～香港都有正宗北京填鴨食！？

住咗將軍澳咁多年，都知將軍澳係美食沙漠，中菜、快餐店、茶記都得幾間，不過早幾日朋友咁啱去開將軍澳開會，話同我食個飯，仲話將軍澳有間中菜好想試，話香港地好少正宗北京填鴨食，一定要叫返半隻食。

老老實實，平時我出街食飯食嚟食去都係嗰幾間，一班人就多數打邊爐食放題鋸扒，亦都好少留喺將軍澳食，更莫講係中菜，仲要北京填鴨喎，香港邊有咁多地方食到喎……

原來朋友講嘅就係呢間金公館，平時都好少經過呢度，朋友好興奮咁話終於喺香港食到正宗北京填鴨，我望咗menu上嘅菜式，都真係好吸引，令到我都好期待呢間將軍澳中菜館會有咩驚喜！

登登登凳！係主角北京填鴨！

朋友話金公館有唔同師傅負責唔同菜式，而且師傅經驗豐富，所以手藝非常正宗！呢個香港正宗北京填鴨用咗傳統嘅烤鴨方法，更撇走咗鴨皮中間嘅油脂，配上爽脆青瓜同埋惹味京蔥，咬落去嗰一刻真係有種莫名嘅感動……將軍澳終於有好食嘅中菜館喇！

鴨皮香脆不過膩，鴨肉濃香可口，一口氣就食咗三件！佢有甜麵醬、桂花糖醬同埋冰梅醬任我地點，我個人就比較重口味，加上小朋友先會做選擇，我就梗係全部落晒啦哈哈，好味！

試完香港正宗北京填鴨，就梗係食埋其他正宗京川滬菜式啦！

呢個酸菜魚都係十分推介！

朋友話呢個魚嘅材料都係來自四川，仲開班教我話傳統酸菜係用老壇醃制酸菜，選用小葉無筋酸菜，先夠爽脆，要醃成2、30日！望一望呢煲魚，嘩！真係足料到……

酸菜爽脆惹味，魚塊滑到不得了，真係忍唔住湯都飲多幾碗！

仲有呢個我最愛嘅擔擔麵，重口味如我，對擔擔麵嘅基本要求就係辣椒醬、花椒油、香醋、麻醬、花生醬，一樣都不能少，呢個擔擔麵完全滿足晒我所有願望之餘，佢個麵嘅質地又唔太軟，有少少咬勁，真係食得我好開心哈哈！

之後朋友叫咗啲酒飲，話傾多陣計，咁飲飲下就口痕，叫多咗個夫妻肺片，麻辣鮮香、風味獨特，送酒真係一流呀！

相關文章推薦閲讀：
Fit晒香港人口味健康北京填鴨推介
金公館｜超棒酸菜魚餐廳！堂食外賣一樣咁好味
試盡將軍澳中菜丨一試二嘗三醉丨不能不試的酸菜魚餐廳